Stefnur Nóa Síríus

Matvæla-, öryggis- og gæðastefna Nóa Síríus

Matvælaöryggi og gæði eru hornsteinar í uppbyggingu sterkra neytenda- og viðskiptatengsla, langtíma trausts og arðbærra viðskipta. Gott matvælaöryggis- og gæðakerfi, sem er beitt á skilvirkan hátt, hefur því forgang hjá Nóa Síríus og ósveigjanleg afstaða hefur verið tekin í þeim efnum.

Þannig skulu allar vörur sem framleiddar eru af Nóa Síríus uppfylla matvælaöryggisstaðla. Allar vörur sem Nói Síríus selur skulu ávallt vera öruggar, löglegar, ósviknar og uppfylla innri kröfur okkar sem og kröfur viðskiptavina og væntingar neytenda.

Sömuleiðis skulu hráefni, samningsframleiddar fullunnar vörur og umbúðaefni sem keypt eru ávallt vera örugg, lögleg, ósvikin og uppfylla innri kröfur Nóa Síríus.