Í tilefni 90 ára afmæli Nóa konfekts kynnum við til leiks nýjan hátíðarmola. Nýi hátíðarmolinn sameinar bragð af malti og appelsínu í mjúka og dásamlega fyllingu, hjúpaða hinu vandaða súkkulaði Nóa Síríus.

Appelsína og súkkulaði hafa löngu sannað sig sem fullkomið bragðpar, en með malti, sem minnir á karamellu verður úr einstök samsetning sem fangar anda hátíðarinnar á nýjan hátt. Í þróun hátíðarmolans tók Nói Síríus höndum saman við Ölgerðina enda eru vörumerkin hvor um sig ómissandi hluti af jólunum hjá Íslendingum.

Hátíðarmolinn verður aðeins í boði í takmörkuðu magni og fæst í helstu verslunum landsins á meðan birgðir endast.