Uppskriftir
Kókosbrownie hrákaka
Einstaklega ljúffeng brownie hrákaka eftir Lindu Ben.
Leiðbeiningar
Setjið möndlur, kókos, kakó, döðlur og 2 msk kókosolíu í blandara og maukið þar til orðið að mauki sem klessist saman. Það er í lagi að einstaka möndlur séu svolítið stórar.
Pressið í smjörpappírsklætt form sem er u.þ.b. 10×20 cm.
Bræðið súkkulaðið með 1 tsk kókosolíu og hellið yfir. Setjið inn í ísskáp eða fyrsti þar til súkkulaðið hefur stirðnað (u.þ.b. 15 mín í frysti)
Skerið í bita og setjið örítið sjávarsalt yfir.
Innihald
130 g möndlur
70 g kókos
40 g kakó
200 g ferskar döðlur
2 msk kókosolía + 1 tsk (notað 2x í uppskriftinni)
150 g Síríus rjómasúkkulaði án viðbætts sykurs
Örlítið sjávarsalt